பள்ளியில் எனது வகுப்பு சுற்றுலா சமயத்தில் எனது 13 ஆவது வயதில் ஆபாசப்படங்களுக்கு நான் அறிமுகப்படுத்தப்பட்டேன். முதல் நாள் இரவில் எங்களது அறையில் தூங்கச் சென்றபொழுது எனது நண்பர்களில் ஒருவன் தனது பெட்டியிலிருந்து பல்வேறு ஆபாசப்பட புத்தகங்களை எடுத்ததைப் பார்த்து (இது நடந்தது இணையம் அறிமுகமாவதற்கு முந்தைய காலம்) அதிர்ச்சியடைந்தேன். என்றாவது ஒருநாள் இவைகளைப்பற்றியெல்லாம் நான் தெரிந்து கொள்ளத்தானே போகிறேன் என்ற காரணத்தால் இந்த புத்தகங்களை வைத்திருப்பது பற்றி அவனது பெற்றோர்கள் ஆட்சேபணை தெரிவிக்கவில்லை என்று என்னிடம் விளக்கினான். எப்படியிருந்தாலும் நான் இதனால் மிகவும் ஈர்க்கப்பட்டேன் மற்றும் அடுத்த சிலநாட்களில் நான் கண்ட படங்கள் என்னுடைய மனதில் தீயாய் எரிந்து கொண்டிருந்தது.

இது நடந்த சில காலத்திலேயே, நான் வாழ்ந்த பகுதியில் ஒரு கேபிள் டிவி சேனல் வெள்ளிக்கிழமை மற்றும் சனிக்கிழமை பின்னிரவுகளில் ஓரளவு ஆபாசம் கலந்த படங்களை ஒளிபரப்பியது. ஆகவே சீக்கிரமே படுக்கச்செல்வதாகக் கூறிவிட்டு விழித்திருந்து, டிவி அறைக்குள் ரகசியமாகச் சென்று அதிகாலை வரை இந்த ஆபாசக்காட்சிகளை விளக்கமாக காண்பித்த படங்களை பார்ப்பேன். எனது பதின்ம வயது காலத்தில் ஒவ்வொரு வார இறுதியிலும் இது பல ஆண்டுகளாக தொடர்ந்தது மற்றும் எனது மனம் ஆபாசப்படம் மற்றும் ஆபாசக்காட்சிகளால் நிறைந்திருந்தது. எனது பதின்மவயது தொடங்கிய சில காலத்திலேயே சுய இன்பம் காணாமல் என்னால் இரவில் தூங்கமுடியாது என்ற கட்டத்துக்கு வந்துவிட்டேன். இது எனது அன்றாட செயலாக பல வருடங்களுக்கு தொடர்ந்தது. அதை செய்யும் ஒவ்வொரு சமயமும் பெரும் குற்றவுணர்ச்சியால் பாதிக்கப்படுவேன். மீண்டும் இந்தச் செயலில் ஈடுபடமாட்டேன் என்று கணக்கிலடங்காத சந்தர்ப்பங்களில் கடவுளிடம் சத்தியம் செய்வேன். ஆனால் அதை நிறுத்தக்கூடிய மனவலிமை எனக்கு இல்லாததால் அது தொடர்கிறது.

இது பற்றி மற்றவர்களுக்குத் தெரிந்தால் என்ன நினைப்பார்களோ என்ற எண்ணம் எனக்கு நடுக்கத்தைத் தந்தது.

நான் 20 வயதின் தொடக்கத்தில் இருந்த போது இணையத்தின் அறிமுகம் பரந்த ஒரு நிகழ்வாக இருந்தது, கண்டிப்பாக இந்த புதிய தொழில்நுட்பத்துடன் சேர்ந்து நினைத்துப்பார்க்காத வகையில் பல்வேறு வகையான ஆபாசப்படங்களை அணுகும் சாத்தியமும் ஏற்பட்டது. விரைவில் புதிய மற்றும் எப்போதும் அதிகரித்து வரும் பாலியல் ஒழுக்கச்சீரழிவுகளை எனது கணினித் திரையில் கண்டு ரசிப்பதில் நான் மூழ்கிவிட்டேன். இந்தப்பழக்கத்தை உடனடியாகவும், நிரந்தரமாகவும் நிறுத்தவேண்டும் என்று உறுதிமொழியை அடிக்கடி நான் எடுத்துக் கொண்டாலும் அதை நான் நிறுத்தவே இல்லை. அதை தவிர்க்க இயலாது தவித்தேன் மற்றும் — ஆபாசப்படங்களை பார்ப்பது, சுய இன்பம் காண்பது, மிக தீவிரமான குற்ற உணர்ச்சியால் பாதிக்கப்படுவது, மற்றும் மீண்டும் இதை செய்யமாட்டேன் என்று உறுதிமொழி எடுப்பது —– என்ற இந்த வட்டம் எப்போதும் முடிவுக்கு வராது என்ற வியப்பில் ஆழ்ந்தேன். வெளிப்பார்வைக்கு நல்லவனாக நான் கருதப்பட்டேன் மற்றும் நான் பங்குபெறும் சமயச்சமூகத்தில் ஒரு வளர்ந்துவரும் தலைவராக கருதப்பட்டேன். ஆனால் ஒவ்வொரு நாளும் நான் மறைத்துவரும் இருள்சூழ்ந்த இரகசியத்தை என் உள்மனதில் அறிகிறேன். இது பற்றி மற்றவர்களுக்குத் தெரிந்தால் என்ன நினைப்பார்களோ என்ற எண்ணம் எனக்கு நடுக்கத்தைத் தருகிறது. திருமணம் செய்துகொண்டால் இந்தப்பிரச்சினைக்குத் தீர்வு கிடைக்கும் என்று நினைத்தேன், ஆனால் ஆபாசப்படம் பார்ப்பது மற்றும் சுயஇன்பம் காண்பது போன்ற என்னுடைய தீயபழக்கம் என்னுடைய மணவாழ்க்கையின் போதும் தொடர்ந்தது.

இந்தப் போராட்டத்திற்கெதிராக உண்மையாகவே கிடைத்த முதல் வெற்றியாக அமைந்தது இது பாலியல், அல்லது அழகு அல்லது உயிரியல் தொடர்பானது அல்ல என்று உணர்ந்தது தான். இது ஒரு அழகான பெண்ணை என்னால் தவிர்க்க முடியாது என்பதல்ல—உண்மையில் இது என்னைப் பற்றியது. ஏற்றுக்கொள்ளுதல், வியந்து பாராட்டுதல், அன்பு மற்றும் அதிகாரம் ஆகியவற்றுக்கான எனது அடங்காத ஆசை. ஆபாசப் படங்களும், காமமும் என்னை அவ்வளவு ஆக்கிரமித்திருந்ததற்கு உண்மையான காரணம் என்னவென்றால், நான் எவ்வளவு உயர்ந்தவன் என்று இந்த உலகம் அறிந்திருக்கவில்லை என்றாலும், என் கனவுலகில் வந்த இந்த பேரெழில் கொண்ட இந்தப் பெண்களாவது என்மீது அன்பு செலுத்தி என்னை விரும்பினார்கள் என்பது தான். ஆபாசப்படம் என்பது எனது மனது மற்றும் இதயம் ஆகியவற்றின் பழக்கம் இந்த அடிமைத்தனத்தில் இருந்து நான் விடுபட வேண்டும் என்றால் அதை முதலில் ஒழிக்க வேண்டும். இறுதியாக எனது ஆபாசப்பட அடிமைத்தனத்தை வெற்றிக்கொள்ள நான் முழு உணர்வோடு ஆபாசப்படத்தின் பொய்களுக்கு எதிரான உண்மைகளோடு போராட வேண்டும்.

இந்த பழக்கத்தை முழுமையாக ஒழித்துக்கட்ட எனக்குத் தேவைப்பட்ட இறுதி உந்துசக்தியானது என்மீது எனது மனைவி காட்டிய அன்பு தான்.

ஆபாசப்படங்களின் மீதான எனது வெற்றியின் முக்கியமான கருப்பொருளாக விளங்கியது நல்ல நண்பர்கள் தான். ஆயிரம் தடவை அதே தவறை நான் மீண்டும் மீண்டும் செய்தாலும், நான் நம்பிக்கை வைக்கக் கூடிய, அனைத்தையும் நான் பகிர்ந்து கொள்ளக்கூடிய, எனக்காக தொடர்ந்து பிரார்த்தித்த நண்பர்கள் இருந்தார்கள். எனது போராட்டங்கள்—கடந்த கால மற்றும் நிகழ்கால—எனது சிறந்த நண்பனாக நான் கருதும் என் மனைவியிடம் அனைத்தையும் பற்றி நான் பகிர்ந்து கொண்டபோது தான் காமம் மற்றும் ஆபாசப் படத்திற்கெதிரான எனது இறுதி வெற்றி கைகூடியது. மீண்டும் இதில் நான் விழ நேர்ந்தால் அதை அவளிடம் சொல்வதாக அவளுக்கு வாக்கும் கொடுத்தேன். அவள் மனதளவில் சிதறி கோபப்படுவாள் என்று நான் நினைத்தேன். ஆனால் என்னுடைய ஒப்புதல் வாக்குமூலம் அவளுக்கு ஆழமான மனவருத்தத்தை தந்தாலும் எனக்கு ஆதரவாக நின்று எனக்காக பிரார்த்திப்பேன் என்று உறுதி மொழி அளித்தாள். ஆனால் அவளிடம் ஒப்புதல் வாக்குமூலம் அளித்த கணத்திலேயே ஆபாசப்படத்தின் வலிமையான இரும்புப்பிடி பல்வேறு வழிகளில் என் வாழ்விலிருந்து விடுபடத் தொடங்கிவிட்டது. இந்த பழக்கத்தை முழுமையாக ஒழித்துக்கட்ட எனக்குத் தேவைப்பட்ட இறுதி உந்துசக்தியானது என்மீது எனது மனைவி காட்டிய அன்புதான். இனிமேல் மறைக்கவேண்டிய தேவை எனக்கு இருக்கவில்லை மற்றும் அவளுக்கு தொடர்ந்து துரோகம் இழைக்க நிச்சயமாக நான் விரும்பவில்லை (வாழ்க்கையிலும் எனது எண்ணங்களிலும் கூட).

பல பத்தாண்டுகள் காலமாக ஆபாசப்படத்திற்கெதிராக போராடிக்கொண்டிருந்தாலும், இன்று நான் விடுபட்டுவிட்டேன் என்பதை சொல்வதில் நான் மிக்க மகிழ்ச்சி அடைகிறேன். ஆபாசப்படங்கள் உலகிலுள்ள அனைத்து இன்பங்களையும் அளிப்பதாக உறுதியளித்தாலும் அது துன்பத்தையே அளிக்கிறது என்பதில் நம்பிக்கை கொண்டிருக்கிறேன். ஆனால் இந்த சுதந்திரம் ஒரே இரவில் வரவில்லை, இது 10 ஆண்டுகளுக்கும் மேலாக நீடித்த ஒரு நீண்ட செயல்முறை காரணமாக படிப்படியாக நடந்தது.

இப்பொழுது இந்தப் போராட்டம் முடிவுக்கு வந்துவிட்டது எனக்கு சுதந்திரமும் மகிழ்ச்சியும் கிடைத்து விட்டது, சுதந்திரத்தை நோக்கிய உங்கள் பயணத்தை தொடங்க உங்களை அழைக்க நான் விரும்புகிறேன். இந்தப் போராட்டத்தை நீங்கள் தனியாக நடத்த வேண்டியதில்லை. உங்களிடம் கேட்பதற்கும் ஆதரவாக நிற்பதற்கும் எங்களிடம் நம்பகமான மற்றும் இலவசமான வழிகாட்டிகள் இருக்கிறார்கள். கீழே உங்கள் தகவல்களை பூர்த்திசெய்தால் எங்கள் குழுவில் உள்ள ஒருவர் கூடிய விரைவில் உங்களுடன் தொடர்பு கொள்ளுவார்.

அந்தரங்கம் கருதி ஆசிரியர் பெயர் மாற்றப்பட்டுள்ளது.